新新酒樓

營業中

休息中

金錢雞💰其實係三層肉+內臟夾埋，肥肉夾豬膶咁上下，個調味似蜜汁叉燒個蜜汁，雖然肥但食落唔算好漏，都幾好食，原來豬內臟同肥肉夾埋都幾襯，有陣香味。蝦多士🦐放入口好香蝦味，隻蝦好有肉又香，不過件野係幾得人驚，件多士油到爆晒出黎，不過食落口係好好味的。呠酒桶蠔🦪好肥嘅蠔，大大隻，大約有7隻，煮完都有少少酒香味。桂花炒魚肚🐟蛋白炒魚肚咁上下，正常，無乜驚喜。鹹蛋黃炸南瓜🎃炸南瓜外面染左層咸蛋黃，甜甜香香都唔錯。焗魚腸🐟千祈唔好嗌，佢整得唔好，苦到乜咁。老虎斑🐟正常野。乳豬🐖正常野。金銀蛋時蔬🥬正常野。整體好味，會回頭，下次試埋鴻圖伊面先。