新新酒樓

營業中

休息中

好耐冇嚟呢度食飯，今晚掛住金錢雞，就揾埋老友一齊去食，我哋一共四個人，見到一個四人全包宴餐，啱晒我哋心水。4位用(全包宴)收費$1,488，已經包括4位茶芥同加一服務費。新新懷舊金錢雞(4件）- 好懷念這款菜式，今晚終於有機會再品嚐，感覺特別好味！上湯加拿大龍蝦伊（1隻伊麵底）- 龍蝦新鮮，肉質彈牙，伊麵同龍蝦一貫係好拍檔。海皇燴燕窩 - 好大窩，每人至少有2碗，材料好豐富。碧綠炒龍躉球 - 啱曬鍾意食肉嘅我，魚肉又厚又鮮甜。清蒸龍躉頭腩 - 呢款就啱曬其餘嘅人，龍躉頭腩好肥美，有骨有脂肪！蒜香脆皮燒雞（半隻）- 非常之熱騰騰，皮脆肉滑！瑤柱蛋白炒飯 - 炒飯好乾身，粒粒分明。福康蟠桃 - 好喜歡呢種size嘅蟠桃，不會太大，甜度適中！酒樓最後還送上紅豆沙，食完更覺完滿！

矜貴的龍蝦、燕窩與龍躉，有冇辦法食平啲啲呢？香港人總有辦法，來佐敦的「新新酒樓」可以全包宴優惠價$1488，吃到個四人餐，包括龍蝦、燕窩羹、龍躉二吃、仲有懷舊金錢雞、脆皮燒雞、炒飯及甜品，每人平均消費$372，份量十足，吃到飽飽！新新懷舊金錢雞(4件）懷舊燒味，選用正宗材料：雞潤、肥豬肉及叉燒，三層相叠，切成圓形似金錢，入口充滿鹹香，口感豐腴。上湯加拿大龍蝦伊（1隻伊麱底）新鮮龍蝦，肉質細緻，伊麵吸盡精華。海皇燴燕窩每人至少有兩碗仔，足料味道好。碧綠炒龍躉球新鮮龍躉，兩種做法，炒龍躉球啖啖肉無骨，配健康的西蘭花。清蒸龍躉頭腩龍躉頭腩肥美，有骨有脂肪，清蒸味味道更鮮味。蒜香脆皮燒雞（半隻）做好馬上出菜，熱辣辣皮真脆，肉嫩汁保持。瑤柱蛋白炒飯粒粒分明，乾濕度剛好，炒得唔錯。福康蟠桃＋紅豆沙有蛋黃的蓮蓉壽包，額外多送紅豆沙。環境光猛企理如有一般中菜飯店，服務態度良好，4位用的全包宴已包括4位茶芥及加一服務費。

新新酒樓 @sun_sunrestaurant 📍：佐敦彌敦道219號莊士倫敦廣場11樓🚗：佐敦地鐵D出口 步行4分鐘📞：+852 2735-6722💲：~HKD200/head for dinnerFood quality✔️：金錢雞、一食京式片皮鴨、原籠馬拉糕、酸菜👌🏼：黃金鮮魷、蝦多士、蜜味㰖角骨、上湯浸菜心、茶介總結：🤔一間賣哂廣告嘅酒樓 食物款式以酒樓計就唔算多但勝在有啲懷舊菜式咁 價錢就有點略貴🤔黃金鮮魷就炸皮略厚 鹹蛋味唔夠重 魷魚🦑就幾好咬口嘅 蝦多士就原隻蝦一塊 不過$140得五塊就有點貴 🤔蜜味㰖角骨就個人鍾意食陳皮味再重啲 上湯浸菜心就非常平淡嘅一碟菜🙊🤔酒樓通病 地方雖大 但人更多 環境好嘈雜 同對面講嘢都要大大聲先得🙏🏼😋全餐最好食係馬拉糕 古馬製餐牌冇寫 要自己落單 軟熟彈力十足 咁大份都係$28 抵食推薦👍🏼😋片皮鴨雖然都冇特別正 但$268有得睇即場專人片鴨 都抵玩🤪😋金錢雞呢道就要打電話先預訂 walk in冇得你食 因為食材唔貴但程序好麻煩 宜家幾乎冇咩酒樓肯做 肥瘦豬肉加雞肝提前醃一夜 再將佢哋串埋用叉燒汁慢火燒 中途仲要記得塗蜜糖🥹$190/5件食

兩星期前訂咗一圍12人嘅套餐，網上過數落訂，WhatsApp 收到按金紙，一切順利。今晚嚟到，經理、侍應、食物都唔錯，心諗又冇網上所講服務咁差啫。點知，行出去埋單，個阿姐😡一開口已經臭串語氣，我同佢講枱號埋單，佢話：我地冇呢張枱號；我邊指住枱嘅方向，邊形容佢知叫咗咩套餐，其實張枱位置只係喺收銀處隔離第三張枱，而果邊只有我地一圍12人枱，其餘都係啲二人枱，但佢望都唔望，就叫我返去睇清楚枱號。（我心諗咩態度呀）我行返去攞個座枱牌比佢睇，確實我冇講錯枱號，但佢都話冇呢張單，要我再行多次攞張套餐紙佢睇先查到🤬之後叫我比張按金單佢，我邊答話WhatsApp 度，一邊就開個WhatsApp 佢睇，條友又係望都唔望吓個電話，就好串咁話：「吓！睇相！」二話不說叫個經理過嚟話我而家咁嘅情況；個經理嚟到話佢知啲網上按金紙本佢地存嘅位置，搞咗10分鐘先埋到張單，仲要一直受氣，我心諗呢條連自己間鋪點運作都唔知，學咩人做揸fit人；客人嚟幫襯，你就當人嚟乞食咁，如果唔係靠你班員工，而你咁嘅態度，聽執笠啦！

新新酒樓位於彌敦道與柯士甸道交會處莊氏倫敦廣場11樓佐敦站出口五分鐘便到達，交通非常方便老牌酒家，主打懷舊粵菜懷舊金錢雞🍽️很少店舖提供這道懷舊手工菜雞肝鹹鮮濃香，肥豬肉爽脆層層口感不同，咬落甘香绵滑配上一杯普洱茶即時解膩，甚好新新燒鵝皇🍽️皮脆肉香肉厚有鵝味脆香蝦多士🍽️炸得夠熱食落唔油膩賣相金黃，非常香脆加上蝦肉彈牙爽口令多士的味道更昇華沾上少許沙律醬，更開胃錦鹵咕嚕肉 🍽️錦滷咕嚕肉除了咕嚕肉本身外色澤亮麗甜酸適中的錦鹵汁更是重點醬汁味道酸酸甜甜咕嚕肉外脆內軟還有菠蘿青椒紅椒洋蔥等配料用一大片錦鹵雲吞皮裝著全部食材合起來，味道層次又提昇了

在舊址已有光顧，現在也是常客，食物水準是很好。了解成本問題，人手有点緊張，但她們都努力服務。最近兩次光顧，看不到醒目的金髮老闆女坐鎮，感覺樓面會hea D.女員工們很好，但那男員工的不禮貌表現（好像是高級的）真令我對新新開始離棄。他只顧執枱，對我簡單落單要求，沒有反應。第二日午市，也找他下單，他更一走了之。多謝其它女員工，才能成功下單。這位carry 着有'宇亩哥’標記的對講機，真氣宇不凡，趕客功力深不見底。另一个同樣制服男同事，態度亦有助攻趕客之勢。最後只嘆：喜愛的食物及懷舊情懷雖在，但有這倆男員工，不幸矣

媽媽點名話去新新酒樓食懷舊金錢雞提早慶祝母親節，身為女兒的我，就訂位，訂位時我已經問了金錢雞於午市可有供應，我還問是否要先預訂，當時接線女士話早上11:30一定有得供應並不需要預定，於是我訂了六位。到5月4日到訪酒樓，黑衫部長幫我哋落單還問要多少件，怎知一會兒部長話已買完，當時大約午時12:30，我覺得其實燒味部根本冇預備有金錢雞供應，部長亦唔知道所以照替我哋落單。真係好氣憤，好嬲令媽媽失望，若只食普通點心就不需要在紅雨當日同行路要用扙幫助的媽媽由天水圍出到佐敦食慶祝母親節午餐。如果唔係話不需要預定，我一定會預定，旨在完成媽媽母親節心願，總結是不會再幫襯。

今日同朋友一行四人去咗佐敦的「新新酒樓」，我哋點咗一個適合四人的套餐。盡管今日係工作天，但令人驚訝嘅係，酒樓入面座無虛席。證明呢一間酒樓極深受區內及區外客歡迎👏，應該有讓人值得品嚐的特色之處。「鹽擦6頭南非鮑魚」鮑魚的口感很爽口，椒鹽和炸蒜的味道也很突出，非常惹味。另外酒樓處理鮑魚方面做得很好👍見到鮑魚邊擦洗得很乾净，表面也非常潔白，所以食得放心😋。「濃湯雞煲翅清甜鮮味」這個湯清甜又鮮味，濃湯中的裙翅也很足料，仲有半隻雞，雞肉唔會好嚡好韌，咬口都唔錯。「招牌燒鵝拼叉燒王」燒鵝入口有鹹香同埋滷水汁嘅味道，义燒肉質夠冧，一大片厚薄適中，有口感😋「翡翠炒花姿蝦仁」夠鑊氣，味道好👍蝦肉厚，花姿片爽滑，朋友話下次再嚟食一定要點選😋。「咕嚕黑豚肉」外脆內嫩，酸酸甜甜好開胃。「濃湯灼時菜」有住家菜的味道，夠翠綠。在餐牌上見到有「脆香蝦多士」好吸引，於是我哋另外加多一碟，果然不錯，香脆可口。

復活節假期前夕，屋企人建議去新新酒樓食晚飯。上到樓，見到佢貼咗不少明星曾經到訪過嘅相，感覺呢間餐廳大有來頭！我哋叫咗個4人套餐，有懷舊金錢雞、上湯加拿大龍蝦伊麵、海皇燴燕窩、碧綠炒龍躉球、清蒸龍躉頭腩、蒜香脆皮燒雞、瑤柱蛋白炒飯、福康蟠桃和送的紅豆沙。其中，海皇燴燕窩，燕窩向來是不少女士的心頭好，大廚再加入蝦等食材，口感更加豐富！蒜香脆皮燒雞的確係物如其名，燒雞皮脆脆的，不錯！碧綠炒龍躉球另配上蠔油，但係其實啲西蘭花唔點蠔油已經好味，不過稍嫌龍躉有點腥。去到尾聲有驚喜！餐牌無寫，但係贈送咗糖水，紅豆沙甜度適中，美味可口！

屋企人特別鍾意去中式酒樓食飯，所以今日就去咗呢間《新新酒樓》💁🏻‍♀️食呢個鹽擦南非鮑魚餐$738 的確幾抵食！濃湯雞煲翅一大煲熱辣辣，半隻雞份量，湯底夠哂火候和鮮甜，四人飲用每人可以飲到兩碗，而翅裙都好多👍🏻👍🏻！鹽擦南非鮑魚椒鹽味好香口，肉質唔乾亦夠厚身，爽口之餘亦食得出鮮甜😊估唔到咁好食！ 燒鵝拼叉燒燒鵝夠入味，皮脆肉質又唔霉，而叉燒大大片無肥膏啱哂我食😋！翡翠炒花姿蝦球同平時去飲宴食到嘅一樣😅西蘭花夠翠綠，海鮮夠鮮甜爽口，夠鑊氣！咕嚕黑豚肉味道正常，大大碟足夠四人食用！濃湯灼生菜膽生菜爽口，掛汁一流，好清甜👍🏻👍🏻！最後重有綠豆沙糖水送！另加$28(每件)蝦多士，感覺有點貴，但味道都好好味🥰！

放工同屋企人去了新新酒樓食晚飯，4人套餐都是七百多元，怪不得平日都全場滿座。燒鵝拼叉燒：燒味全部都很大件且肉多，叉燒帶點焦香。咕嚕黑豚肉：炸至香脆，表面沾滿了酸甜汁，外脆內軟，還有些三色椒及菠蘿伴碟。翡翠炒花枝蝦球：西蘭花翠綠爽口，蝦球及花枝充滿蒜蓉香，十分彈牙。雞煲翅：足四人份量的雞煲翅，每碗都有足料翅羣，膠質豐富，雞湯鮮甜，還有半隻雞肉湯料。6頭南非鮑魚：鮑魚帶椒鹽香味，每隻鮑魚都𠝹花，十分新鮮彈牙。蝦多士：每件都炸至金黃香脆，蝦膠厚肉彈牙。最後還有糖水。

屋企人建議去新新酒樓食飯，上到樓上，見到嗰度貼咗唔少明星曾經到訪過嘅相，感覺呢間餐廳大有來頭！我哋叫咗個4人套餐，有懷舊金錢雞、上湯加拿大龍蝦伊麵、海皇燴燕窩、碧綠炒龍躉球、清蒸龍躉頭腩、蒜香脆皮燒雞、瑤柱蛋白炒飯、福康蟠桃和送的紅豆沙。其中，蒜香脆皮燒雞的確係物如其名，燒雞皮脆脆的，不錯！碧綠炒龍躉球另配上蠔油，但係其實啲西蘭花唔點蠔油已經好味，不過稍嫌龍躉有點腥。去到尾聲有驚喜！餐牌無寫，但係贈送咗糖水，紅豆沙甜度適中，美味可口！

2024年3月26日 星期二終於可以迎接復活假期，今晚決定同屋企人一齊出街食飯食好啲，所以就出咗去佐敦新新酒樓食飯一上到去餐廳就已經見到有唔少客人，差唔多坐滿晒全場，好彩去到嘅時候仲有一張枱夠我哋四個人坐，雖然枱與枱之間比較迫，不過總算都坐得舒適餐廳晚餐提供幾款唔同人數既全包宴，包晒茶芥同加一，而且仲包含唔少菜式添，為咗唔想嘥時間諗食乜，所以就決定要咗個晚飯A餐等咗一陣食物就開始陸續送上，首先有懷舊金錢雞，已經冇乜地方可以食到，因為步驟比較繁複，好多師傅都已經唔識整，呢一間餐廳竟然仲有提供，所以真係好驚喜，金錢雞其實將叉燒、雞潤同肥豬肉夾埋一齊，口感好豐富，完全冇油膩嘅感覺，幾款配料互相配合，食落好香口之後有蒜香脆皮燒雞，雞皮燒得好香脆，雞油炸晒出嚟，所以食落去唔油膩，而且雞肉好嫩滑，加埋炸蒜一齊食就更加滋味然後分別有碧綠炒龍躉球同清蒸龍躉頭腩，將龍躉分為兩食各有各特色，但兩種唔同既烹調方法都令龍躉肉仍然保持嫩滑，一啲都唔韌，個人比較喜歡炒龍躉球，因為咬落去啖啖肉，完全無骨，可以好放心咁去食再黎係上湯加拿大龍蝦伊麵，龍蝦既份量都唔少，起油完再同伊麵煮埋一齊再加上湯，令到伊麵吸收晒龍蝦同

這間位於佐敦的【新新酒樓】，主打多款傳統的廣東手工菜，食物款式甚多，而且價錢合理，晚市更有套餐供應，適合一家幾口食晚飯。蝦多士炸至金黃香脆，表面蝦膠彈牙。鹽擦6頭南非鮑魚鮑魚表面灑上椒鹽，十分新鮮彈牙。濃湯雞煲翅每碗都充滿魚翅，雞湯鮮甜，膠質豐富，還有些雞湯料。招牌燒鵝拼叉燒皇燒鵝大大件，鵝件比較厚肉，叉燒都算嫩腍多汁。翡翠炒花枝蝦球蝦球新鮮彈牙，花枝爽口，蒜香味十足。咕嚕黑豚肉咕嚕肉一口一件，炸至香脆，酸甜開胃。濃湯灼時蔬生菜爽脆且翠綠。最後還送上紫米露。

屋企人成日都話新新酒樓抵食，今晚又同佢地食左一次，因為睇中了懷疑小菜金錢雞！估唔到星期一晚都爆場！我哋5個人見菜單都幾豐富，於是點了4人餐$1488。新新懷舊金錢雞最上層係一塊瘦肉，燒到好香，有燒味感覺，中層係雞膶，食落唔腥唔臊，最底層係醃製過已糖化的肥膏層，整體甜味較重又帶點焦香，幾特別，長輩就食得津津有味，讚有保留傳統做法！上湯加拿大龍蝦配伊麵伊麵底充足，湯底濃郁，龍蝦新鮮，肉質結實，小朋友最愛竹笙海皇燴燕窩燕窩非常清甜，蔬菜加上竹笙海鮮令口感提升，而且飲落輕型，份量仲多到可以舀到一人兩碗！碧綠炒龍躉球西蘭花清爽，龍躉球啖啖肉，肉香而厚實，不錯！清蒸龍躉頭腩較炒龍躉球為清，但仍然非常爽甜！肉身帶點汁水不，火喉剛好！蒜香脆皮燒雞果真香脆！外皮脆，雞肉算滑，調味剛好！瑤柱蛋白炒飯比較之下，味道較淡福康蟠桃沒有特別，有蛋黃，但沒有出油香，中規中距！最尾仲送了紫米露糖水，各人都吃得很飽