Rempah Noodles

營業中

休息中

今日lunch同同事黎到呢間朋友推介既小店。餐牌好簡單，我地3個都係要娘惹濃厚叻沙，另一個要乾叻沙，再額外叫多個咖央多士share食。大家都覺得呢間小店質素唔錯，叻沙係米線底，都掛到叻沙湯汁，有蝦、雞絲、魚片條、豆卜、半隻蛋。米線份量比較少，但可以免費加麵底。同事食既乾叻沙係銀針粉，佢話娘惹濃厚叻沙比較出色。咖央多士既咖央係凍架，多士烘到脆身，唔會太甜，大家都話好好食~呢到只收現金，但唔駛加一，想食叻沙同咖央多士既可以黎試下。