Bonjour烘焙坊 (已結業)

第一次去誠品尖沙咀分店，好開心見到台式麵包店。我喺店內揀來揀去，又想試芝士包，又想試柑橘朱古力包，又想試合桃包......選擇困難症又發作了，點算好呢？最後竟然俾我發現有assorted breadg賣，由麵包師傳每日精選5款麵包，雖然每件只有約1/4件﹝每袋HK$26﹞，但非常適合我呢D患有選擇困難症既人。回家後，先試芝士包，芝士味濃，可惜真係好細塊，對我呢D「麵包怪獸」嚟講，真係到喉唔到肺。提子包就比較普通。合桃包內既合桃香脆，食完有餘香。最出色係柑橘朱古力，酸酸地既柑橘同朱古力竟然係絶配，朱古力碎比較一般麵包店大，有咬口，朱古力味相對較濃，配以柑橘，唔太漏！下次一定要encore！