影片
更多
2020-10-15
384 瀏覽
最近掀起一片風潮，梗係約埋老闆（其實佢想食一蘭，不過比我夾左過嚟）支持小店舔盡光環㗎啦！呢間龍門冰室都算高調啦，一於就揀呢間啦！本身對排隊食係有啲抗拒嘅，不過為咗香港嘅將來冇辦法啦，等左一段時間終於入到去食啦，係超多人嘅都好彩有卡位坐下，不過一坐就坐左5分鐘因為完全冇人理嘅，之後有人過嚟睬吓你又要等幾分鐘先至落到單，不過我哋都好彩㗎啦，隔離枱要杯水要等5分鐘跟住唔知10幾分鐘之後仲要落錯單搞到冇嘢食咁好啦其實要點乜都話冇嘅（我食咗幾十年嘅沙嗲牛麵要同佢告別一晚）點左一個吉列豬扒公仔麵跟番茄湯，有個炒蛋同埋果占多嘅，跟住一客蜜糖雞翼首先講吓個蜜糖雞翼，好特別，特別鹹嘅你點會諗到蜜糖係可以喊嘅？真係犀利！炒蛋十成熟。。算數，果占多尚可吉列豬扒呢都算係咁啦中規中矩，個麵就大鑊啦！冇味㗎大佬！食咗兩啖睇住佢脹到意粉咁樣，完全食唔落。。食完仲好口乾添其實都算好彩喇。。對面兩個男仔叫咗咖喱牛腩飯，嗰啲咖喱係酸㗎！！真係豉油得來不易，香港人要好加油先得喇。。唔係真係唔知點樣將腐朽化為神奇老闆嘅評分，夥計9hea嘅程度絕對
呢間龍門冰室都算高調啦，一於就揀呢間啦！
本身對排隊食係有啲抗拒嘅，不過為咗香港嘅將來冇辦法啦，等左一段時間終於入到去食啦，係超多人嘅都好彩有卡位坐下，不過一坐就坐左5分鐘因為完全冇人理嘅，之後有人過嚟睬吓你又要等幾分鐘先至落到單，不過我哋都好彩㗎啦，隔離枱要杯水要等5分鐘跟住唔知10幾分鐘之後仲要落錯單搞到冇嘢食
咁好啦其實要點乜都話冇嘅（我食咗幾十年嘅沙嗲牛麵要同佢告別一晚）
點左一個吉列豬扒公仔麵跟番茄湯，有個炒蛋同埋果占多嘅，跟住一客蜜糖雞翼
首先講吓個蜜糖雞翼，好特別，特別鹹嘅
你點會諗到蜜糖係可以喊嘅？真係犀利！
炒蛋十成熟。。算數，果占多尚可
吉列豬扒呢都算係咁啦中規中矩，個麵就大鑊啦！
冇味㗎大佬！
食咗兩啖睇住佢脹到意粉咁樣，完全食唔落。。食完仲好口乾添
其實都算好彩喇。。對面兩個男仔叫咗咖喱牛腩飯，嗰啲咖喱係酸㗎！！
真係豉油得來不易，香港人要好加油先得喇。。唔係真係唔知點樣將腐朽化為神奇

老闆嘅評分，夥計9hea嘅程度絕對超越澳牛
最後一句
好味是良知 呀。。
龍門冰室 銅鑼灣登龍街 — 食光環。
張貼
