俺之沾麵專門店 (已結業)

之前已經見過呢間沾麵話，好好味， 又抵食＄89。所以今次專誠來試吓。估唔到七點幾嚟到，真係大排長龍。都等左成半個鐘先入到去。座位唔算太多，但係都算坐得舒服。環境似第一間小店，食物款式唔多，得三款沾麵，一個原味，一個黑蒜味，一個番茄味。我就叫左黑蒜沾麵，麵嘅份量有得揀大中小。當然我就揀大，麵係屬於硬身嘅。湯汁嘅質地好濃稠，好重黑蒜味，叉燒有三大塊，比其他日本沾面店性價比更高。最後亦建議加魚湯飲埋啲湯汁，真係好好味！下次我就會選擇試吓蕃茄味，因為都好多人食！