四點金飯店

營業中

休息中

晚市恢復堂食開開心心和老公出街食飯，經過新都城商場見到間裝修不錯主打潮州菜的四點金飯店。潮州菜好耐沒吃過啦。餐牌上面食物照片相當吸引，又有多款套餐選擇。我二人由於餓了很久(相信所有香港人都一樣)，甚麼都想試下，放棄叫套餐，改叫戲棚海鮮粥$52/碗，滷水雜錦拼盤$108，菜膽杏汁燉白肺湯$52/位，家鄉煎蠔仔烙$98。食到超飽，碟碟都好味，份量不少，雖則粥和燉湯都只是叫了碗裝但也可容二人分享。沒理由唔食埋潮州糖水就走人，所以又叫了福果清心丸豆爽$30，和福果芋泥$36。食完蠔仔烙飲碗豆爽中和返，好正。芋泥就超好味大家一定要試。好想帶爸媽再來食過。