大快活

營業中

休息中

天氣一凍小小就會好想食煲仔飯，但有做煲仔飯既餐廳唔多，或者要去到好遠先有得食。今日睇到大快活廣告話出煲仔飯，仲要好似好講究咁，一於落樓下買個外賣試下咩料子。煲仔飯款式當然無其他餐廳咁多啦，但基本既臘腸、排骨、滑雞、肉餅都有，我個人比較貪心，揀左3併，臘腸併牛肉餅併鱆魚肉餅煲仔飯。牛肉餅食落似牛肉球，但唔會太淋，仲有啲咬口。鱆魚餅就比較彈牙，鮮味都好夠。臘腸都唔比出面差。成個飯都只係$62，如果退返個煲仲有堂食$8現金券，性價比真心高。