LQV STANLEY - Stan Café (已結業)

肥髀測驗派卷！成績都幾好！小朋友需要多鼓勵！所以買件靚餅比佢！呢個鐘數赤柱可以買餅嘅地方唔多，呢間一直想試，知道價錢唔平，去到見場內一枱客都無，裝修幾新潮，似係酒吧格局，近門口有個大雪櫃，見西餅唔多款！賣相都唔錯！揚手有個著制服外藉女店員（老細？）過來！我同佢講要三件餅，佢放入一個大盒（九件都放到！）後講了一句好重口音嘅英文（？），我聽唔明（自問一向簡單英文對答都無問題！）佢重複兩次都聽唔明！佢同我都一臉苦惱（明明店內有另外一個華藉男店員，見到咁嘅情況但無過來幫手，可能佢都唔識廣東話）然後女店員就用身體語言，指示我去店內收銀處比錢，三件餅要$180！真係無唸過咁貴（雪櫃西餅前無紙或價錢牌）講真我一向食西餅都唔計較！賣相精緻嘅四五十蚊一件都食過，最緊要好味，但呢度嘅餅又未精緻到值呢個價錢！碌完卡佢無膠袋或用繩綁實就比我拎走（無手挽極唔方便，呢度應該唔預你拎走）朱古力慕絲：好濃朱古力味微甘，慕絲好滑，底層嘅脆脆米通餅底增加口感，面頭一塊金色朱古力！蛋白拿破侖：幾層拿破侖夾蛋白忌廉，拿破侖餅好酥脆，配蛋白忌廉唔乾，又滑又脆！泡芙拿破侖：只有一層拿破侖上面係忌廉同三粒泡芙，賣相好靚！泡芙好靚，