黑門水產すいさん (棉登徑)

營業中

休息中

今日朋友生日特登同佢尖沙咀行街食飯, 朋友最鍾意就係食日本菜,記得喺尖沙咀棉登徑幫襯過一間日本餐廳食物質素好好,所以今晚就同佢食生日飯。黑門水產居酒屋,餐廳裝修得好有日式風情,同日本嘅居酒屋感覺一樣,感覺乾淨整潔非常舒適。海膽蟹味噌甲羅燒 , 甲羅燒即叫即做,賣相勁吸引,用咗蟹肉蟹籽,鵪鶉蛋,蟹肉味好鮮甜,蟹味好香,配梳打餅一齊食,口感同味道都一流。極尚大漁貝燒,材料好豐富有生蠔,三文魚籽,海膽,凡立貝,海蝦,入口味道鮮甜,蝦肉好新鮮爽口彈牙,帆立貝口感嫩滑,生蠔入口爽甜,味道好鮮甜。蜜糖芥末火炙安格斯牛肉沙律,安格斯牛肉燒到啱啱好,入口即溶,牛肉味勁香濃,配上芥末醬令到牛肉味道更加有層次。黑門令大漁魚子醬脆脆包,脆脆包真係好好食,有海膽,蟹肉,三文魚子,吞拿魚蓉,魚子醬。 幾種食材味道都好鮮甜,食落口真係大滿足。酥炸雞軟骨, 雞軟骨炸到脆卜卜,非常惹味。三文魚刺身,三文魚刺身砌到啱啱好,食落去好有口感,加上有啲魚油脂肪人造三文魚嘅香味更加濃郁。