阮蘭坊 (已結業)

大埔運頭塘邨經重新裝修後開咗一間越南餐廳（阮蘭芳），大埔區很少越式嘅餐廳。我同老公就去咗食晚飯。我地要了一碗至尊湯檬粉裏面包含有牛腩/生牛肉/牛丸同埋扎肉，配料有洋蔥、蔥花、九層塔等香料。分量十足，湯底又不會太鹹。👍另外點了一個蕃茄蝦膏蝦球濃湯檬，裏面有啲大蝦加埋一啲蘑菇、芽菜配合濃味嘅蕃茄蝦膏做湯底，酸酸甜甜蕃茄味，非常開胃。😋每個餐都配有熱飲一杯，但我想試一試三色冰，結果就要了一杯三色冰，紅豆面上撈了好濃椰汁，好飲👍都想試吓叫其他嘢食嘅但係實在太飽了要留待下一次再試。