美心MX (已結業)

見有韓式石頭鍋飯食，４０蚊樓下兼有一杯青檸梳打，個飯仲有牛肉／豬肉／雞肉３款揀，點指兵兵下揀了豬肉那款！等左一陣終於食得！個石頭鍋飯熱辣辣，賣相一流，一Ｄ都冇欺場！ 除左飯和豬肉之外，佢嘅配料都好可觀，製造相當認真！豬肉：好稔！點埋附上的燒汁，好有韓燒嘅感覺！飯：佢用珍珠米，口感煙韌！有Ｄ飯變成飯焦，好似食煲仔飯咁！配料：翠肉瓜（清甜），大豆芽菜（夠多），泡菜（醃得好入味，好彩唔太辣，岩我），芝麻和冬菇片（吊味又香口，為呢個飯生色不少）！