兩草 (棉登徑)

營業中

休息中

K11 附近嘅小店，燶邊蛋煎肉餅飯，肉餅唔乾肥瘦參半，有啲𡁻頭，有肉香味似屋企媽媽整嘅，蛋燶邊得嚟唔會油冧冧，加埋醬油一流。上次幫趁食豬油渣撈飯，好味不健康之選，啱哂胃口，就算小寫食評都要讚，宜家有心嘅餐廳買少見少，盡量幫趁吓。 見餐牌有肉骨茶，蛋煎腸粉，招牌炸雞翼，下次有機會再試吓先。我見佢餐牌啲價錢喺尖沙咀嚟講真係好平民化，唔似大茶餐咁貴，希望佢做得住。唯一要留意佢嘅飯量應該係適合食量較少嘅人，大食請加飯。