大師傅粥品 (金馬倫道)

營業中

休息中

今日向尖沙咀突然想食粥，行下行下見到金馬倫道有1間粥店，店面望落去幾乾淨企理，油器係放向門口的油器櫃內。睇餐牌，有好多粥品，仲有生滾粥，炒麵炒米粉腸粉都有，另外仲有素食嘅粥👉🏻粟米粥👍🏻我揀咗艇仔粥+炒米粉，好快就有得食。艇仔粥好多料，有水魷丶碎牛丶花生⋯花生有少少淋左，粥底好綿，粥好夠熱丶有米香，一碗都好大份，因為粥好傑身，所以其實都幾飽肚。我呢有落少少楜椒粉，佢哋嘅楜椒粉係香和辣，似係越南楜椒粉果種，正！炒米粉就比較失色，冇乜菜絲⋯好斎米粉咁，冇乜味，真係要靠落醬撈嚟食。店員都好有禮貌丶上菜都好快。