Italian Tomato Café (MOSTown新港城中心) (已搬遷) 新店位置

平時行過Italian Tomato，見到蛋糕都好吸引，不過價錢略貴，唔係太捨得食。剛見到近排做夏之感謝祭優惠，＄188可以揀五件＄45或以下嘅蛋糕， 又幾抵喎。五件蛋糕一齊放，靚靚。揀左兩件期間限定嘅茉香桃脆，蛋糕底係朱古力味仲有朱古力忌廉，帶少少焦糖脆脆，上面有白桃乳酪慕斯，仲有兩片白桃，非常之清甜。藍莓芝士撻外型好吸引，撻底幾結實，加埋吉士忌廉、藍莓忌廉，仲有好多粒大大粒嘅蓋莓，粒粒都好甜。皇牌士多啤梨糕外型好靚，忌廉打得好奶滑，蛋糕清甜，可惜士多啤梨略酸，一般啦。最後係芒果慕絲蛋糕，慕絲中間仲加左芒果醬，酸酸甜甜不錯。第一次試呢四款蛋糕，三十幾蚊一件係幾抵嘅，不過想食嘅款式都揀晒，試一次就算了。