Nathanhouse (已結業)

今日心血來潮帶埋小朋友一齊去撐枱腳見到呢間門口都幾好 食西餐 就帶埋個女入去佢有晚市套餐亦可以單點其實價錢都幾相宜㗎 因為帶住個女 佢又唔食得多野 所以我哋淨係嗌咗一個晚餐 虎蝦芝士意大利飯 可以揀雞肉沙律或者牛肝菌湯 咁我就揀咗個湯比個女 另外再加錢叫酒煮蜆比自己😆牛肝菌湯好creamy 個女超鍾意呀 係經典蘑菇湯嘅味道啊 酒煮蜆好重酒味 一啲都唔吝嗇啊👍🏼 啲蜆實在好鮮味 我轉眼食哂😜個意大利飯直頭同個女爭食 外加嘅芝士粉令到成個飯嘅味道昇華 虎蝦肉質好彈牙啦 啲飯質地我地好鍾意 唔會過硬亦唔會過軟 因個女好怕太「林」嘅食物 但我又唔鍾意太硬 佢煮得好好👍🏼之後再加左個黑松露薯條配溫泉蛋 新鮮炸起熱辣辣嘅粗薯條 第一次逐條點蛋汁咁食 配埋黑松露嘅香味 真係超正！完全係無可比擬 我覺得係必食！最推介！本來已經好飽 但個女好想飲朱古力 佢嘅朱古力係唂咕 所以係苦㗎 哈哈 超濃味 好少可係飲到呢種無合成嘅朱古力 但個女當然唔啱飲啦 咁最後就加咗啲糖水變成左普通嘅朱古力😅不過值得一讚嘅係呢度啲侍應態度好好 好細心留意到我哋嘅需要 見到我個女好鍾意點茄汁都好主動黎添加比我哋 我個女話杯朱古力