碗碗香 (已結業)

一直都覺得大陸出品嘅麵好好食，估唔到係香港都可以食到。呢間店舖面積唔大，我哋揀咗個角落坐低。今日食嘅係貴州粉，其實冇聽過貴州呢個地方，真係第一次試。男友人叫咗個紅油牛肉粉，小辣，食落有啲麻，原來仲有隻bb辣，店家話係任何人都食到嘅辣，湯底加左花椒，所以會有麻香，用上等大紅袍精細磨製成花椒粉，有散寒，健脾同埋促進食慾嘅功效，估唔到食一碗普通嘅牛肉粉可以有咁健康嘅效果！我就試咗紅燒牛肉粉，呢個係唔辣嘅，邊個湯係用上等嘅豬骨加鮮雞做湯底，再加埋新鮮嘅牛骨，就係三骨原湯啦，呢個湯絕對冇味精，味道好濃郁，我都幾乎飲晒個湯底，飲完覺得好生津！兩碗牛肉粉都有泡菜做配料，其實即係酸菜，味道好清爽又酸脆多汁 ，好開胃！至於啲牛肉係上等牛展，筋同肉嘅比例都好均稱，咬落一啲都唔硬，好好味！而碗麵嘅精髓貴州粉係無添加，冇色素又冇味精，要煮幾個鐘，口感爽滑，唔易斷，又唔會太淋，夾起上黎好有彈性！最後每人叫左杯苦丁茶，店家話係解辣良品，飲完回甘嘅感覺久久不散，功效可以降血脂，降血壓同降血糖，非常健康。