碗碗香 (已結業)

好日唔出街食飯，朋友介紹下嚟咗呢一間食聲稱貴州粉麵嘅碗碗香。朋友話，呢間個粉好特別喎，就等我呢個食麵多個食飯嘅人試吓啦。·我同佢各自叫左兩個粉麵。我叫左個酸辣辣雞麵，BB辣。上菜嘅時候嚇親我，原本以為係酸辣粉咁嘅樣，點知佢有一層好厚嘅紅油係碗麵上面，基本上飲一啖湯啲油就喺晒上面。成程喺度流晒鼻水～·個湯底來講，就係好一般嘅麻辣囉，其實同連鎖嗰啲米線店譚仔、三哥、冇咩分別，不過價錢就貴一倍🥱·好啦，朋友話個麵底好食，我一試：其實咪就係厚啲嘅米線？冇咩特別喎，口感同味道係意料之內🥱·再試埋舊雞🤔，雞肉非常之少，應該5舊以內，仲要骨多過雞肉。而且似係煮咗好耐，肉質乾爭爭又唔好食🙈點解同我幻想中嘅咁大出入嘅。·食晏來講，舖頭都算少人，唔使等位應該係佢最大賣點。但係你問我，呢一碗野值成$70鬆啲，環境裝修又唔算好好，只係啲老街坊店。抵唔抵食答案都好明顯啦🥱·題外話，唔知係咪自己身子差。返唔到屋企第二日個肚勁唔舒服，唔食得辣嘅朋友要留意啦😣·只此一次，下不為例。下次再帶朋友去食返啲真正好食嘅酸辣粉先！有機會再介紹俾大家😗-酸辣辣雞麵｜$68-碗碗香銅鑼灣加路連山道5號地舖

一入到去覺得好熱…己經唔係好想食，不過姐姐知道，即刻開返個冷氣！呀姐醒目🙈之後姐姐解釋左清湯，紅油，酸湯，牛丁，牛片既分別！有耐性有禮貌，加分👍🏼叫左一碗紅燒牛丁粉，一碗酸湯雞粉。牛好食，有大約5粒。雞唔滑，仲要得個4粒…牛同雞分量太少，湯唔錯，夠味，好香。粉都ok，個粉有啲似煲淋咗嘅米線，夾起上嚟有啲易斷，不過彈牙，食起上黎都唔錯。不過老實食兩碗粉要$138…好唔值…過旁邊食拉麵仲好。個人覺得如果佢賣$4x，應該會好受歡迎排長龍。（利申：本人係窮L）

中午同朋友去食，都幾多人，呢間主打五香同麻辣麵，味道好似內地北方個啲麵咁，你幾香口嘅，但油有啲多，叫得辣要預咗叫埋嘢飲。我都算係食到辣，但主要係啲油有啲刺激，怕辣嘅可以叫清湯，清湯我試咗朋友個碗，都係比較重口。牛肚幾軟腍，同入味。啲粉係好似紅薯粉咁，口感幾獨特，但可以硬少少～Overall都ok ge，但個人唔太鍾意呢種辣。

朋友食過話好味。今日OT後去試粉好得意，好滑，混合鳥冬和狗仔粉的質感和形狀。無影相我見有貴陽甜品-冰粉，試下唔太甜，加入花生，白芝麻，得意!本想試苦丁茶，但驚失眠

好想食辣嘢好想食辣嘢好想食辣嘢，重要的事要講3次！然後朋友就話見到同事成日叫碗碗香外賣，所以決定大家一齊去試下！由利園二期一路向前行，見到丹麥再往大球場方向向前行一小段路（記得要留意右手邊）就見到了！！入到去，店不算大，但坐底都舒服，但聞到個陣辣味成個人精靈晒～坐底店員就即刻埋嚟問係咪第一次食？要唔要介紹番？好貼心呀！我地叫左紅油牛肉粉（小辣）、貴味紅油雞絲米皮（小辣）～食物來得算快，唔知係知道我喺咁吞口水～紅油雞絲米皮，店員話同粉皮唔同，米皮係平時食個啲腸粉整的～食落感覺比較滑，加埋呢個辣配搭得十分惹味！個花生勁好食！！不過食到最尾有小小鹹～紅油牛肉粉，湯底不算太濃，有牛𦟌同牛筋腩，值佢個粉好特別！係貴陽米粉，米粉本身較粗身同”林”啲，但又唔係煮過龍個種”林”，有少少似薯粉，食落去係嗦嗦聲～杯凍檸茶個杯係啤酒杯～份量夠！因為平時食辣野係要叫兩杯飲品，辣野味精較多，會好口渴，呢度一杯滿足晒！讚！！

剛從歐洲回來，在飛機上就想吃家鄉菜了。今天跟室友打掃完屋子，決定來碗碗香一飽口福：）我們分別要了清湯和紅油牛肉粉，老貴陽的特色。第一口喝湯，就幸福得眼淚差點流下了。老闆說，骨頭湯都是新鮮上等的肉跟骨頭熬製，而且加上海鹽去腥味，味道格外鮮美。我室友超級喜歡粉裡面的酸菜！這也是貴陽特色，幾乎每家都有一個泡菜罈子。也是牛肉粉羊肉粉的絕配小菜。而且肉很多，份量很足！超級喜歡😘因為真是想念貴州美食了，又特意要了一份貴州辣子雞！雞皮彈口，雞肉入味，辣椒🌶️跟油滲入肉裡面，滿滿的童年回憶。還有兩背苦葶茶🍵我媽的最愛！出了貴州才知道，這種茶的清甜。配上牛肉粉，可以降火解暑。老闆說，下個月灣仔分店就要開業啦，附近的朋友們，不要錯過呀！

係銅鑼灣行街，經過見到呢間小店好似唔錯，所以入去試試 地方雖然唔大，但佈置得幾有心思，有少少民族feel講真香港雲南米線開到成行成列，米線真係食唔少，但講到貴州野真係少食，以前好似冇食過咁濟，所以見到佢主打貴州菜覺得好特別 不過硏究左餐牌一陣，都唔知點咩好，店員主動推薦左兩個主打招牌菜，話必試，因為朋友唔係好食得辣，所以點左一個清湯，一個bb辣，齊齊share 首先第一個係清湯牛肉粉（$66)，d 牛肉幾諗幾好食，湯都清清地，不過面略嫌有小小lum，如果硬身小小應該更惹味，不過朋友就好欣賞呢種軟面，各人有各人喜好啦 第二個係辣雞涼拌麵($66)，相比之下更得我心D拌麵真心正，辣得岩岩好，而且真係好香口，雞肉都整得好出色完全清哂成碟野飲方面梗係要叫d出面飲唔到既野啦，例如苗鄕苦丁茶，我地要左一杯熱一杯凍，一樣咁好飲，我同朋友都一試愛上，好有茶味，又唔會話好苦，個味都幾特別，推薦配上小小辣既麵簡直絕配另外要讚一讚呢度既服務態度，員工幾親切，見我地未食完就飲哂，個姐姐仲幫我地加茶如果經過銅鑼灣lee garden 附近，記得試下啦，保證有驚喜！個人最推薦辣雞拌麵同苦丁菜～

銅鑼灣加路連山道不嬲都有好多餐廳，雖然地方細細，但其實啲食物質素都幾高，好似某某雞扒就已經出名了。今次試左碗碗香，因為係門口已經聞到果種令人麻了的辣味，於是就走入去叫左個紅油牛肉麵，麵唔係普普通通的米線，係佢地先有既米粉，好滑好彈牙的，牛肉切粒好易食，而且仲炆到好林，好入味，最緊要就係個湯底，好濃烈，紅油淋係面，但一食就已經feel到啲辣味，好正，不過千祈唔好亂挑戰大辣，我見過有人食到成頭汗，我真係見過。

今日在銅鑼灣做完facial，tea time唔太肚餓，就去揾麵食。呢間門面貼住張明星相，menu又幾得意，唔駛等有位企理冷氣夠唔睇返張相都唔為意，果位人兄食麵拉到好高喎。睇餐牌似乎最出名的是牛肉。餐具、筷子... 全都印上店名。自行剔選口味及配料。建議食法。先上紅油牛肉粉，平時紅燒牛肉麵就聽得多，但配粉就真係好少聽。呢種粉同平時認識的米粉、米線、空心米粉等唔同，佢粗度好似意粉但軟滑度好似烏冬，加上碗湯的油，真係滑到夾唔實，要用匙輔助，連埋湯邊飲邊食牛肉我唔識係乜部分，但就好似「炆牛腩」咁林。紅油其實唔算好辣，我無按建議加花椒及胡椒去試，但相信加左一定會提升到辣味及香料的層次。另一碗清湯牛肉粉，用上牛𦟌，都係煮得好林，入口即溶唔食得辣啱晒。苦丁茶，熱的飲時覺得飲緊「苦瓜水」咁，但凍飲原來另一番滋味，覺得好「清新」！

Typical spicy Guizhou noodle,the soup is awesome.A must try if you love Chinese spicy food. You can taste the pepper flavour.However, the floor is quite slippery and the waitress is always busy. U need to get the order form ensuring that you have made your order. A gut sitting next to me didn’t get the form and unable to get his noodle even had waited for 20 minutes.

同朋友喺附近放咗學唔知食咩好～行下行下就望到呢間碗碗香👀 鋪唔係話太大，星期六中午時間入去已經坐滿人了～選擇困難嘅我地望住menu諗咗陣，店員忍唔住行過嚟介紹咗幾樣😅最後嗌咗一碗清湯牛肉粉同埋香辣全蛋涼拌面🍜（話時話，大熱天時都幾啱食拌面🤪🤪）仲叫咗兩杯苦丁茶！第一次聽同第一次飲～味道甘甘地，同朋友一人一杯，熱嘅比起凍嘅好似濃味啲～個人認為，午餐嚟講份量都剛剛好，牛肉粉啲牛肉都唔會太少～上菜速度都快，不過要留意中午時段每人用餐40分鐘整體來講唔錯嘅！大家可以一試！有機會嘅話下次要試埋佢啲小食～～～價錢方面比起一般粉面餐廳可能都屬於偏貴，但佢坐落於銅鑼灣，都好合理嘅！🙈

放工後在利園一帶想找家餐廳快食，經過這家小店感覺頗有特色，看到價錢不貴又有位，就直接進去了。小店主打貴陽菜，店員推介牛肉粉，說辣和不辣都好吃，和朋友就直接點了一碗小辣和一碗不辣。另外店員亦推介自家製苦丁茶，可以解辣，跟餐可以半價。值得一讚廚房出菜很快，非常適合趕時間的我。粉面比較粗身，質感像是比較粗的米線。牛肉分別有牛𦟌和牛腩，牛肉味很濃也很入味，肉質一點也不韌。小辣更多添了一份香料香味，輕輕的麻辣感非常過癮。苦丁茶點了冰的，但朋友點熱的更好喝，帶微苦但很易入口，可以下火是不錯的選擇。小店不用加一，性價比很高，絕對再有下次。

銅鑼灣有一貴州菜 食過好多次 好鐘意佢d粉的質地 今次有一人火鍋 又有d興趣wo 一鍋$88 我地選左酸湯中辣本身個煲有娃娃菜 豆腐 芽菜我地另外叫左 牛筋 豬肉丸 豆腐 烏江魚其他餸食麵都有得揀的 除左魚 魚有4-5 件 好滑有鮮味 牛筋同豆腐都好食丸就 鞋口左少少個湯都幾酸但唔算辣唔食食到流哂汗反而覺得佢太酸整體都可以 豬手粉- 無加紅油 如果想食辣， 可以叫佢加紅油 豬手有滷過 但個湯底今日有d油⋯⋯上次食清爽d 真係好鐘意佢d粉既texture 比米線肥大 比米線爽口

之前去開附近食飯，見到哩間好似食米線的店好吸引，於是今日相約位朋友再過黎品嚐，我們叫了兩碗粉加兩杯飲品。飲品苗鄉苦丁茶: 我問朋友苦丁是否即系苦瓜？朋友說不是，這是貴州才有出產的茶葉之一，他曾經到訪過當地旅遊，買了些回來自己泡，但就是泡不到在當地飲到的這種茶口味，他說沒想到在香港這裡能再嘆番此茶，此茶飲落口內好舒服，完全唔會苦澀，有小小甜，而當吞入喉嚨後還會有回甘的味道持續兩三秒，很特别。鹵香豬手粉: 豬手的軟骨位和肉質都好淋好入味，個湯底一飲，嘩，令人不斷想再飲，非常的濃香，而當中有些椰菜酸酸甜甜的，似是泡菜預先醃製過一樣，味道可口開胃，至於個粉，原來貴州人叫佢做米粉，佢有别於我們一般食開的幼身米粉，睇落佢個樣似發脹左既米線，食落質感都似米線，但相比米線會更滑的口感。清湯牛肉粉: 當中有些牛展，食落有小小麻辣，而根位部份咬落唔會un,至於牛肉色澤一睇估計應該好入味，但咬落又唔會好咸，味道剛剛好，好淋，唔會有渣，用嫩滑黎形容就最岩。食完個粉飲埋杯苦丁茶，已將口腔內剛剛好濃味道的牛肉和湯底的餘韻都消除哂，唔洗食香口珠去清口氣。

小妹今日係時代廣場附近行行下街，就見到間食辣野嘅鋪頭，就心郁郁入咗去試下。原來呢間餐廳係食貴州野。對於無試過貴州野嘅我地，就叫咗啲店員推介嘅野食試下。😛😛✨餐牌✨清湯牛肉粉 牛肉好入味同煮得好稔，估唔到牛肉會煮得好食過出面嘅粉面檔。個湯底好清，有少少蒜味，飲落唔覺得有味精，因為飲曬成碗湯都唔口渴，飲落好似屋企飲到嘅湯咁。個湯同個粉好夾。個粉好特別，有韌性之餘，又幾滑身，似瀨粉同米粉嘅混合。本身就咁食原味就已經好好食。之後再加埋個辣粉，因爲個侍應 一開始叫我地食到一半先好落辣粉。個辣粉真係勁好食，將個湯升華咗。平時食嘅辣粉通常係口度辣完就無，呢個係落到喉嚨仲辣緊，所以係好得。 隻辣粉唔係净係得辣，重有 麻 同 香。鍾意食辣ge 人應該會鍾意個辣粉。✨辣鷄涼拌麵 鷄醃得好入味，幾滑得黎又唔會太柴。個麵底係雞蛋麵，煮得啱啱好，唔會太稔、又唔會太韌。我地叫咗小辣，幾夠辣味，唔使擔心會太辣。個汁係辣辣地加小小酸，同個粉幾夾。拌麵最啱熱辣辣嘅天氣，好清爽。✨苦丁茶 苦丁茶飲落好清，好順。幾適合食完餐飯飲翻杯消化下。