Bohdan

營業中

休息中

真係唔好以為星期六嘅荔枝角就冇嘢好食，搵到呢間Bohdan真係好味又抵食，啱晒星期六喺呢邊出現嘅人。餐廳設計好特別，好似用遊戲做主題咁。今日試咗佢個雜扒餐。本來以為只係一般雜扒山，但係味道同食材都值得一讚，有雞扒，豬扒同牛扒。牛扒爽滑，食落好似食緊牛滑。而雞扒同豬扒就望落以為會好乾身，但係實質上煎得啱啱好。另外叫咗個蕃茄煙三文魚稻庭烏冬，淨係蕃茄濃湯味已經好吸引又開胃，另外煙三文魚都好新鮮，濃濃嘅煙熏味令鹹同甜嘅平衡做得啱啱好。脆奶油豬亦都好好食，外皮得好脆，但中心奶油味令口感得到好大滿足。