京香餃

營業中

休息中

朋友專登由觀塘過西環同我食餃子，係門口見到好多人排隊，幾驚無位，所以朋友未到都入去攞位先，入到去坐低先知道，原來d客人在等外賣。坐低見到有好多款餃子，舉棋不定之際，聽到隔離枱叫大白菜豬肉餃，一於照跟，又見到人地食緊炒麵，麵底係我至愛嘅上海麵，就叫埋佢啦 !叫多個菜，兩人食剛剛好 J。炒麵先上，麵質彈牙，青椒應該係烚過先炒，所以好軟身，好甜，牛肉無鬆肉粉味，唔錯。芹菜拌豆乾，賣相麻麻，味道ok，但豆乾份量相對較少，如果可以多啲豆乾，應該可以口感再豐富啲 主角餃子出場，餃子皮好有質感，非常qq 彈牙，最緊要係餃子裡面有豐富肉汁，好似食緊小籠包咁。支持小店嘅朋友，一定要嚟試試。