影片
更多
2009-02-01
10 瀏覽
等咗咁耐，終於拎到曲奇嚕．．．款款都咁好味！好鬆脆好香！最愛係朱古力味！但服務就令人激氣嚕！收銀明顯係新手，我每問一個問題佢都要我等等，之後走去後面問另一位做緊嘢嘅職員。其實都可以原諒，人人都試過做新人。但佢哋係咪應該唔好等星期六最多人嘅時候先搵個新人嚟返工呢？比晒錢落咗訂，再問一吓如果指定日子嚟唔到，可唔可以遲一、兩日嚟，Lee 個時候喺後面做緊嘢嘅職員就好決絕話唔得！但上次嚟嗰時，老闆謝寧小姐話無問題，只要打個電話通知佢哋一聲就可以了！我諗無人會 100% 肯定下星期嘅事啩？我點會預知到自己駛唔駛 OT 呢？！講嘢咁絕係咪就係可以話事嘅老闆同唔可以話事嘅員工之間嘅分別呢？最最最激氣嘅係，我比錢訂完諗住走，個收銀先話四點鐘會有少量嘅曲奇賣！而嗰時係三點十一！點解佢唔早啲講呢？等我唔駛下次又特登出嚟吖！P.S.如果係謝寧小姐喺度，服務係 5 分，因為上次佢真係好 Nice！但今次，無可能比到咁高囉．．．
款款都咁好味！好鬆脆好香！最愛係朱古力味！
但服務就令人激氣嚕！收銀明顯係新手，我每問一個問題佢都要我等等，之後走去後面問另一位做緊嘢嘅職員。其實都可以原諒，人人都試過做新人。但佢哋係咪應該唔好等星期六最多人嘅時候先搵個新人嚟返工呢？
比晒錢落咗訂，再問一吓如果指定日子嚟唔到，可唔可以遲一、兩日嚟，Lee 個時候喺後面做緊嘢嘅職員就好決絕話唔得！但上次嚟嗰時，老闆謝寧小姐話無問題，只要打個電話通知佢哋一聲就可以了！我諗無人會 100% 肯定下星期嘅事啩？我點會預知到自己駛唔駛 OT 呢？！講嘢咁絕係咪就係可以話事嘅老闆同唔可以話事嘅員工之間嘅分別呢？
最最最激氣嘅係，我比錢訂完諗住走，個收銀先話四點鐘會有少量嘅曲奇賣！而嗰時係三點十一！點解佢唔早啲講呢？等我唔駛下次又特登出嚟吖！
P.S.
如果係謝寧小姐喺度，服務係 5 分，因為上次佢真係好 Nice！但今次，無可能比到咁高囉．．．
張貼
