不二江湖菜

營業中

休息中

新開川菜，味道幾正宗，價錢唔貴，抵食！可以任食白飯😂夫妻肺片 $68經典四川開胃凉菜，份量ok，味道唔錯，麻、辣、鮮、香俱備，牛舌及牛肚最好食，底下仲有青瓜粒。花椒雞 $128好大盆，有蠟燭熱住，要咗小辣，食落好够味，雞肉嫩滑，有花椒香味，少麻，再加上辣味，好正。另外，仲有蓮藕粒，好爽脆！惹味之餘又唔太油，好味！不二沸騰魚 $168魚肉好嫩滑，冇細刺，唔會粉，食得出幾新鮮，而且魚肉份量都幾多！配料仲有豆芽、萵筍片，吸曬啲汁，都唔錯～鴨屎香檸檬茶 $32鴨屎香茶葉擁有獨特的花香與果香，再加上清新的檸檬，比普通檸檬茶好飲好多百香果梳打 $28百香果味濃郁，加上梳打，好解渴～