California Pizza Kitchen (屯門市廣場1期)

營業中

休息中

大概六點去食晚飯，冇咩人，唔使等位。不過大概7:00左右差唔多full晒。因為新開冇幾耐，所以仲好新淨。感覺都乾淨嘅。open kitchen可以睇到入邊做緊乜嘢。同埋咁樣起碼佢哋會乾淨啲。侍應服務態度OK。座位都舒服。叫咗一個Buffalo chicken pizza,同埋一個kung pao spaghetti. 個Pizza有blue cheese.但係芝士味好淡。可以話係食落去冇咩味，聞落去只有淡淡的Blue cheese味道。有啲失望。就係因為鍾意Blue cheese先至叫佢，估唔到佢落得咁輕手。唔知係咪怕普遍香港人唔鍾意食。但係叫得呢個Pizza就梗係因為鍾意食Blue cheese 先至叫㗎啦。應該大膽啲，重口味啲。佢仲有落到西芹。不過我唔鍾意食西芹，好在西芹嘅味道唔太出。整體來講，個Pizza唔錯嘅。至於個宮保意大利粉味道好濃。都係啱一點鍾意食重口味嘅人。本來諗住會好怪，但原來宮保蝦炒意粉又幾唔錯喎。