阿牛 (已結業)

今日係第一次去BULL'S, 係男朋友帶我去! 其實今年父親節, 我男朋友都同佢爸爸去過, 都話好好! 原本佢今年情人節打算同我去食, 點知full哂~ 咁岩今日放假, 所以去試一試~首先一入到去, 老闆親自招呼我地, 仲介紹d菜式~ 我地叫左1個豬仔骨晚餐set ($138) + 每人加左$32有湯&蒜蓉包 + 兩隻日式焗鮑魚仔 ($52)~ 老闆好健談, 仲好風趣~ 佢送左個原價$68蒸扇貝比我地~ 飲品2杯~ 仲話甜品任食~ 我地食左1件cheese cake, 1件tiramisu, 2件蘋果批+雪糕~ 超飽~ 頭盤沙律唔錯, 第一口食落酸酸地辣辣地, 越食越開胃, 應該係d沙律醋o既魔力~ 全晚最好味就係豬仔骨, 整得好入味~ 雞肉酥皮角好鬆, 好有牛油味~ 蘋果批+雪糕, 又凍又熱, 食落口有齊兩種感覺, 口感好得意~ 另外, 鮑魚仔用日式去焗好特別~ 食到好飽, 好滿足~ 埋單都係$280~ 其實間餐廳裝修幾好~ 位於海邊, 可以望到珍寶海鮮舫~ 另有露天座位~ 出食物d時間好恰當, 食完一樣接住出第二樣, 唔需要等好耐~ very good service, 侍應禮貌好