甘味讚岐手打烏冬 (已結業)

APM 6樓有三間日本菜 <甘味>啦<丼丼屋> <元氣> 禁丼丼屋同元氣都要等位所以就去左衣間甘味試下啦 其實都吾係第一次泥嘅之前同屋企人都有食過幾次嘅～禁衣間烏冬店主打番茄湯烏冬 非常推薦大家食牛柳粒蕃茄湯烏冬我覺得好好味D員工服務都幾好架 初初去都唔知要自己落單 舉手嗌落單啲服務員就會好有禮貌同講唔好意思麻煩寫落單紙 寫號碼就得架啦面上有笑容好親切 之後自己識做啦今次去食左個芝士豬軟骨飯朋友就叫左個雞扒蕃茄湯烏冬 包一杯熱飲凍飲都係加3蚊喳 出面好多茶餐廳都要加成5 6蚊先有得飲 所以都幾抵嘅 個豬軟骨好入味 啲汁攞嚟撈飯一流～大家不防試下 至於個雞扒烏冬個雞扒煎到金黃色好好味但係因為我個吃貨朋友一上枱就餓鬼禁食所以黎唔切影相對食物非常滿意 D侍應又好人 間吾中都要泥支持下