榮記粉麵

營業中

休息中

今日同老公行下sogo,行到咁上下肚仔餓，就諗起呢間好耐冇食過嘅榮車仔麵！本身未行到已經諗要排幾耐隊先有得食，但估唔到今日星期日都唔洗排隊就已經可以直入。因為只係想食個下午茶，所以同老公叫左一人一碗兩餸面加一人一支可樂就算。蘿蔔牛腩米：蘿蔔一如以往嘅甜，仲要冇渣，大約有4舊。牛腩都算入味，但就唔林，較為硬身。大腸牛筋油麵：大腸都幾大舊，唔會林到冇口感，但就唔覺入味。牛筋就幾大件，不過就都係偏硬身，好似未煮得夠咁。湯底係真係好味嘅，加埋每碗都有少少西洋菜係入面，西洋菜連埋個湯底黎食係十分正。佢地嘅辣椒油唔知係咪都係自家出品，好夠辣，一匙已經好夠。但唯一真係較貴，無論單餸定2餸都一樣33蚊，可樂就8蚊一支。