德記潮州菜館

營業中

休息中

一家人星期日晩去食潮州菜，臨時6點打電話去訂抬，佢叫我7:30到。一去到，門口已經有好多人等位，好彩人流算快，等咗10分鐘左右已經有枱。見到d姐姐拾枱嘅速度又快又有team work....勁！我都快速地點咗幾個餸，有烏頭魚、鵝肝併鵝片加墨魚、芥菜煲、川椒雞、白飯魚煎蛋、𧐢餅、糖醋麵、胡椒豬肚湯、麻辣小黃瓜。簡單介紹一下，凍烏頭魚，肉質滑，配埋黃豆汁，正！鹵水鵝肝併鵝片加墨魚，無得頂！鵝肝好滑唔怕乾，鵝片就小咗d，併咗其他部位，墨魚都唔錯，不過又係得幾片，唔夠喉。芥菜煲正呀，d芥菜唔怕苦又唔怕太冧。川椒雞算係普通d，下次可以唔叫。白飯魚煎蛋唔錯，蛋香，白飯魚又脆脆地咁。𧐢餅個樣就嚇親人，好厚身，其他餐廳嘅煎𧐢餅咪好似pizza 咁薄，呢間好似鬆糕咁厚，不過食落好有𧐢味嘅。糖醋麵可能我最遲先食，已經唔脆，一般啫。胡椒豬肚湯正常啦，足料嘅，胡椒味唔算好重，以前飲過一d飲完成身興晒。小黃瓜當小吃，ok 的。整體滿意，價錢又合理，唔怪得咁多人幫襯。