Pho Up (已結業)

又試呢間先，午飯時間好多人喎，啱啱好仲有位，唔洗等😁。睇過餐牌之後，好多都想試😃，但係唔太肚餓，所以都係要個pho夠喇😁，再加多杯滴溜咖啡😋。滴溜咖啡配練奶，即係啡走🤣再加冰🤣，咖啡香濃好飲喎👌。到個 pho 到喇，啲配菜我唔加嘅，先飲啖湯，夠熱👌，湯有藥材味同牛味👌，香甜飲完唔會口渴👍。有4款唔同嘅牛喺個碗入面😱，先食牛肉，肉味香，熟嘅牛都唔韌👌。牛腩肉味夠濃，食到筋位就韌，食唔到就啱啱好，唔太腍👌。牛丸算好啦，唔算彈牙，但都有牛味👌。牛尾😱，呢件真係最好味😋，夠腍肉味濃👌，輕輕一咬就離骨添👍。食完一碗我已經好飽，想試埋佢啲小食，要搵人一齊些牙先得🤣。