鳴苑海鮮酒家 (已結業)

星期六和外國回來的朋友一場來到西貢﹐當然是去食海鮮啦﹗從來都不喜歡海滂那幾間海鮮酒家﹐覺得他們又貴又唔好食﹐服務態度又惡劣﹐衛生又差﹐所以一定唔會去﹗上來這裡看看啦﹐見大家對萬年街的全記好像有不錯的comments﹐便一心想去試試啦﹗點知落晒閘冇開門﹐唔同執o左﹖既然大家都好肚餓就費事週圍搵﹐求其去o左隔離間鳴苑試下啦﹗點知... 呢世都未試過咁差﹗首先我們想食青衣兩味﹐問點整啦﹐第一味西蘭花炒球﹐ok 啦﹐第二味我們想食“骨香”的﹐居然說廚房唔識整﹗我們聽到覺得好不可思議﹗當時先7 點左右﹐我們要酥炸生蠔又話d 蠔賣晒﹗o下﹖唔係丫嘛﹗兩樣o野搞到我們都冇晒心機食喇﹗最終叫了﹕* 油鹽水雞腳- 現在上來先知係“必食”﹐不過係連呢味都唔得﹗d 雞腳細隻﹐而且好似煲完湯咁﹐d 肉“淋”晒冇咬口﹐又冇乜味﹐完全不是那回事﹗* 梅菜扣肉- 肥肉唔香﹐瘦肉好“鞋”﹐梅菜只甜不鹹﹐一d 都唔好食﹗* 豉汁蒸鱔片- d 鱔片好薄﹐蒸得又過火﹐好韌下﹗* 椒鹽鮮尤- 呢味最正常﹐不過都係好普通﹐仲唔多夠熱﹗* 蒜茸粉絲蒸聖子- 唔多覺得有蒜茸味喎﹗d 聖子有沙﹐蒸到乾晒﹐韌到差d 咬唔開﹗