馬來屋星馬泰美食 (已結業)

咁啱要去新蒲崗攞嘢，呢幾日仲要落咁大雨，經過一個商場仔抬頭見到一間東南亞菜，咁就入去避一避同試吓，環境唔錯好光猛，食物選擇唔係好多，大部份都係泰國菜，仲有日式串燒但係價錢偏貴，海南雞飯，海南雞都幾滑但係啲飯係冇味嘅，青木瓜沙律，好難食，同九龍城食嘅泰國菜差勁遠，冬陰功湯，味道唔似平時食嘅冬蔭公味，但係有奇怪味，呢個我真係講唔出，咖喱係完全冇咖喱味，總之食入口就知道好差，都唔會係平時食到嘅泰國菜黎，呢間嘢冇乜服務，問一句答一句，成日黑口黑面，有啲員工就似喺度玩手機，特別係前台有嗰冇着制服嘅戴住頂帽踢拖，態度特別差，去比錢嗰陣好似唔想收咁，又慢又hea，有時又圍埋成堆員工係度又講又笑，冇人理過我