Thai Fire

呢間泰國餐廳走高檔路線，環境舒適又播住輕快嘅音樂，啱晒放工後，食吓飯傾吓偈嘅好地方🌟青木瓜沙律🌟大大碟，食落都幾辣，木瓜絲清脆，開胃之選😋🌟陰公鮮菌烤魚🌟冬陰功湯底夠晒濃郁，味道唔算太辣，一邊飲湯，一邊食烤魚一舉兩得。烤魚炸得非常脆口，配埋冬陰功嘅味道，好match 🫶🌟紅咖哩薄餅🌟用上泰國秘製香料熬製嘅紅咖喱牛肉，肉粒非常嫩口入味，裏面仲有龍眼肉，帶出箇中鮮味👍👍 🌟小芒飯🌟泰式甜品必選嘅椰香糯米飯，配上椰汁、鮮甜嘅香芒一齊食👍👍🌟蜂蜜香茅茶🌟香茅泡茶，香茅味甘香清甜🌟泰火特飲🌟Bear bear 熊冰粒特飲，非常吸睛嘅梳打特飲👀👀，打卡一流。