隨心 (已搬遷) 新店位置

呢間個外表感覺似日本野但其實係食東南亞野！真係估您唔到😂lunch time都幾多人嚟食 所以都等左陣但唔太耐！我同同事3個人每人一個lunch set我叫左炒貴刁，碟野一嚟就聞到勁香既鍋氣入面有麵條加埋河粉，平時食開清淡既有可能會覺得濃味左小小，但間唔中食都ok！重點係真係幾惹味😻同事就食海鮮喇沙同海南雞飯前者都個湯底好有水準，可能會有少少辣，味道係非常好但海鮮份量好似比較少至於雞飯，個飯真係超嫩口，好滑！拍得住新加坡顆啲，差啲就係個飯，平時個飯會有埋雞味，但呢個感覺只係普通白飯！如果連飯都入埋味就好perfect！