影片
更多
2021-05-10
194 瀏覽
好耐無寫過食評啦，一年一度母親節晚飯就評論一吓。因為四人限聚令所以唔係間間都啱坐，揾咗好多間餐廳先揾到匿到可六人枱中間有離板。經open rice一早book咗枱，早幾日佢就打嚟confirm，但係miss咗個call。打返電話返去聽電話個同事話唔係佢負責，叫我遲d再打去。點知打咗兩日都無人聽電話。跟住我夜又打，日又打都無人聽。最終母親節前一晚終於打通confirm到張枱。本來book咗6點食，早咗幾個字上到去，一張枱都無。但confirm枱嗰陣佢話可能要遲比枱我地因為佢地無落場時間，驚上一枱客人未走。但竟然一枱客都無。佢安排咗一張冷氣機風口枱比我地，我地同佢講轉隔離枱（因為見佢都係安排6人枱），扎馬尾個女侍應話安排晒唔比轉，只可關咗個冷氣。ok咁算，但點知我地食完走都未有人坐。坐定咗點野食啦，本來想叫半隻片皮鴨，但短頭髮個女侍應話只可叫一隻，無半隻order，一隻要等個半鐘先上到菜。明佢係即整要等，但如果係咁點解唔試下在confirm枱時問定客人會唔會想order咗先，咁咪唔洗等咁耐。所以最終無order到。好啦，講返d野食先醬油抄手-不過不失，正常。花雕醉雞-酒味唔算好濃。黑豚肉义
本來book咗6點食，早咗幾個字上到去，一張枱都無。但confirm枱嗰陣佢話可能要遲比枱我地因為佢地無落場時間，驚上一枱客人未走。但竟然一枱客都無。
佢安排咗一張冷氣機風口枱比我地，我地同佢講轉隔離枱（因為見佢都係安排6人枱），扎馬尾個女侍應話安排晒唔比轉，只可關咗個冷氣。ok咁算，但點知我地食完走都未有人坐。
坐定咗點野食啦，本來想叫半隻片皮鴨，但短頭髮個女侍應話只可叫一隻，無半隻order，一隻要等個半鐘先上到菜。明佢係即整要等，但如果係咁點解唔試下在confirm枱時問定客人會唔會想order咗先，咁咪唔洗等咁耐。所以最終無order到。
好啦，講返d野食先
醬油抄手-不過不失，正常。
花雕醉雞-酒味唔算好濃。
黑豚肉义燒皇-匿個第一輪就落咗order，但最後先嚟，唔知係咪因為即燒。但ok既，佢係熱住咁上，有好多蜜糖响底，幾好味。
梅菜扣肉-可以唔洗試，普通過普通。
脆皮吊燒雞（半隻）- 唔算好乾，可以接受。
冰鎮鮑魚同椒鹽鮮鮑魚粒-兩者都食唔出鮮味。
鮮鳳梨咕嚕肉-匿個可以，唔太酸，仲有菠蘿伴碟。
招牌炒飯-竟然一上菜就上咗個飯先，叫咗d小食一個都未到，係咪我地太早order個飯。
炒白菜仔-正常菜。
最後叫咗幾個甜品-杞子桂花糕，生磨杏仁茶，脆香蛋散，芝麻豆沙煎餅。最好味係豆沙煎餅，既做夠熱同脆，蛋散都脆不過唔熱，所以應該唔係即整。最差係桂花糕。
整體嚟講匿間餐廳可以做好d，食物又唔係差到唔好食嗰種，但甜品比主菜好食。
最後讚吓執枱專員，佢係咁多個侍應當中最有禮貌既一位。帶住口罩都feel到佢係笑笑口嗰種唔係面無表情。
張貼
