影片
更多
2023-02-19
142 瀏覽
《TAP - The Ale Project - 旺角》熟悉我既朋友都知我算係個酒鬼啦🤭其實我都幾鍾意試唔同既手工啤酒🍻香港近年多左唔少本地手工啤既品牌，其中不得不提既品牌一定係少爺啤啦😚品牌有多款口味既啤酒，佢地仲誇張到自己開埋餐吧幫人做埋beer pairing 添😉今次我就去左佢地旺角既一間餐吧食飯，當然必定要試佢既啤酒啦💁🏻♀️Mama's Little Yella Pils第一款揀左精選既美國進口黑啤，飲落口味道有少少似黑咖啡咁有nutty 既感覺，質地薄身爽口，以黑啤黎講酒精濃度唔算高易入口💁🏻♀️Juicy IPA另外一款我地揀左澳洲既混濁形印度淡愛爾，帶有濃濃果味而且味道較複雜，飲到少少車厘子以及橙香💁🏻♀️Mush-Mush-Mush-Room小食我地其中一樣要左炒菇黎送酒，菜式入面有舞茸、本菇、冬菇、樟樹港青辣椒同蒜蓉，用左好香既醬汁爆炒後啲菇菌香味走曬出黎😉青辣椒微微辣吊起左成道菜式既味道呢💁🏻♀️Golden Fries第二樣小食我地要左店舖既黃牌-黃金薯條🍟餐廳用咗我好鍾意嘅幼薯條製作❤️每一條薯條都被濃濃既黃金鹹蛋黃醬包裹住，又脆又好滋味👍🏻送啤酒一流💁🏻♀️
熟悉我既朋友都知我算係個酒鬼啦🤭其實我都幾鍾意試唔同既手工啤酒🍻香港近年多左唔少本地手工啤既品牌，其中不得不提既品牌一定係少爺啤啦😚品牌有多款口味既啤酒，佢地仲誇張到自己開埋餐吧幫人做埋beer pairing 添😉今次我就去左佢地旺角既一間餐吧食飯，當然必定要試佢既啤酒啦
💁🏻♀️Mama's Little Yella Pils
第一款揀左精選既美國進口黑啤，飲落口味道有少少似黑咖啡咁有nutty 既感覺，質地薄身爽口，以黑啤黎講酒精濃度唔算高易入口💁🏻♀️Juicy IPA
另外一款我地揀左澳洲既混濁形印度淡愛爾，帶有濃濃果味而且味道較複雜，飲到少少車厘子以及橙香💁🏻♀️Mush-Mush-Mush-Room
小食我地其中一樣要左炒菇黎送酒，菜式入面有舞茸、本菇、冬菇、樟樹港青辣椒同蒜蓉，用左好香既醬汁爆炒後啲菇菌香味走曬出黎😉青辣椒微微辣吊起左成道菜式既味道呢💁🏻♀️Golden Fries
第二樣小食我地要左店舖既黃牌-黃金薯條🍟餐廳用咗我好鍾意嘅幼薯條製作❤️每一條薯條都被濃濃既黃金鹹蛋黃醬包裹住，又脆又好滋味👍🏻送啤酒一流💁🏻♀️Triple Happiness
主食方面我就揀咗用左三重芝士製作嘅三文治，有啲似以前喺外國食過既grill cheese 🧀 麵包先用牛油煎香，入面再夾住不同款式嘅芝士，仲有椰菜絲、酸黃瓜、同埋洋蔥等食材，口感豐富而且重口味，啱晒鍾意食芝士嘅朋友💁🏻♀️Hak Po Pasta
另外一款主食揀咗炒意粉，佢係屬於肉醬製作嗰一款意粉，食材有碎牛肉、車厘茄、鯷魚、黑蒜等等…肉味濃郁而且帶有黑椒嘅香味，成件事其實好惹味😋意粉嘅份量都幾多，兩個人食都未必食得完總括嚟講，餐廳嘅啤酒種類多到會令人花多眼亂，入面有一幅打卡嘅啤酒牆，可以俾你睇到晒有啲咩啤酒供應😉而且大部份都係on tap😎食物方面都絕對唔馬虎嫁，小食同主食嘅份量都算係幾大份，款式種類十分多，最適合同朋友邊飲酒邊食嘢㗎啦，鍾意飲啤酒嘅朋友絕對可以嚟試吓
張貼
