李氏廚房 (已結業)

近排成日落雨， 好想食啲開胃嘢食， 最啱就係食啲酸辣辣嘅韓國菜。 朋友 咁啱喺西灣河見完客，就即席推介去李氏廚房。 到左先知道，原來就喺尖沙咀好出名的“李家”分店。 西灣河店改咗名叫李氏廚房。唔需要諗，即刻嗌咗炸雞， 佢哋最出名拿手菜式， 款式真係好多，有原味、甜酸、醬油、 粟米、芝士…………另外仲好多鐵板類和芝士鍋， 不過我哋兩個女仔， 對於我哋嚟講份量太多，留返下次 多啲人聚會一齊嗌。蜂蜜大蒜炸雞 (無骨)， 無骨雞啖啖肉， 炸到外皮乾身香脆鬆爽， 雞肉保持嫩滑多肉汁， 超多海量嘅蜂蜜， 加上大蒜粒 同埋蒜蓉， 真係好滋味。芝士味炸雞 (無骨)， 無骨炸雞可以保持儀態，而且啖啖肉真係好， 芝士味勁多芝士粉， 非常香濃。雪濃湯湯頭香濃而且有好多牛肉片， 有少少素面， 吸收咗雪濃湯嘅味道， 又爽口又鮮味。 配搭好多餐前小菜 ，泡菜+ 芝士腸+ 煎蛋卷 +薯仔 +魚餅 +麻油菠菜 + 豆芽。 真係超級豐富。