丼瀛 (已搬遷) 新店位置

今日食晏嚟到觀塘嘅一間工廈到覓食，見到呢間日本嘢嘅lunch Menu都幾抵食，同埋見到隻好得意嘅麵包超人喺門口，吸引左我入去食。我哋一人叫咗一個lunch set。呢個set包左一碗麵豉湯同埋沙律🥗，正正常常都幾好食。北海道刺身丼$98佢有幾款唔同嘅刺身，分別有帶子、三文魚、劍魚腩、蟹子等等。種類都算幾多，魚生都幾新鮮。吉列豬扒$68我揀咗配餃子🥟餃子煎得香脆可口。豬扒同樣都係炸到金黃色，脆卜卜👍👍再點埋啲沙律醬，好味好味☺️☺️最後飲埋凍檸茶，食飽飽lu🤗🤗佢有好多嘅魚生丼、熟食可以選擇，仲有小食添， lunch來講都算幾多樣嘢揀。