屏山老地方

營業中

休息中

返工前同阿仔去圖書館睇完書就過黎食晏，話說老公呢排成日同佢黎食，因為阿仔好鐘意食呢度既肉餅飯。所以經常黎。的確又真係好多選擇既。今日要左辣香葱雞粒煎肉餅飯 $48其實肉餅好食之處，係因為肥瘦肉的比例適中，食落唔會太乾又唔會太肥。加上佢太多選擇，配乜料，就有咩味道。又真係好好味。呢個有辣味之餘，雞粒又好香。芝士蕃茄煙肉煎肉餅飯 $48呢個最啱小朋友食，其實一咬就食到唔同既配料。因為芝士好香，所以撈飯食，真係一流。其實肉餅樣，塊塊都差唔多。。。菠菜蝦堡牛角包 $38呢個包賣相都好吸引，個包好香脆，入面餡料都好豐富。塊蝦堡都好幾彈牙，不過味道淡了少少。但整體上係好味既。