廿一前 (已結業)

今晚約咗朋友喺荃灣食飯，朋友同我都係第一次光顧呢間火鍋放題，應該都係最後一次😝。刺身、海鮮係一次性供應，豬、牛、串燒、炸物及其他火鍋配料就任食，一人一鍋可以各自選湯底👍，$198+10%。剌身有泰式生蝦、三文魚、螺片、左口魚裙邊、希靈魚、北寄貝、赤貝，品質唔算新鮮，但可以為放題內容加分。海鮮有虎蝦、帶子、生蠔、墨魚，質素都係一般，有好過冇咁解。串燒有15款，可以選擇鹽燒、醬燒或味增燒，我個人認為鹽燒最好味。串燒算係放題內最好食嘅食物，所以我哋叫咗2轉。炸物同炸串就淡而無味，外層仲炸到硬實實，真係好難食。自助火鍋配料選擇好多，目測有超過35款之上，確實令人満足。飯後甜品都有十幾款。