無辣不歡 (已結業)

近排香港日日都又曬又熱，搞到我唔知食咩好。葵廣不嬲出名食嘢又平又正又有冷氣，所以我決定今日去葵廣到食下野！行過見到呢間無辣不歡，見到有手撕雞冷麵就二話不說買嚟試下。手撕雞冷麵 ($25)老闆手腳好快，果頭比錢呢頭就有得食！一見到碗野就好驚喜，手撕雞竟然鋪到成碗麵都係！我好鍾意食胡麻醬撈麵，而呢碗麵嘅胡麻醬都一啲都唔孤寒，條條麵都痴到胡麻醬，但又唔會太稠太heavy。最重點係佢只係$25，平時同樣價錢喺第到都食唔到咁多手撕雞同胡麻醬！我食完之後好滿足，下次嚟葵廣一定會再食呢間！