紅煙窗餐廳

營業中

休息中

因為已經冇做Playt 同埋海逸嘅會員，呢排想食自助餐都唔知去邊度好，因為冇左優惠覺得食自助餐幾唔抵。屋企人就推介左我嚟呢間紅煙窗餐廳，話性價比幾高。因為係有人推介，所以已經知道大約有啲乜嘢食，亦都知道佢冇提供生蠔同埋蟹腳。雖然呢兩樣都係我鍾意食嘅嘢，但係佢午餐自助餐都有龍蝦係幾少有。這間餐廳好耐之前嚟過，比我嘅感覺麻麻地，因為比較殘舊。而家新裝修咗，成個感覺唔同晒。而且職員全部都好有效率，收碟好快。比起好多五星級酒店嘅自助餐服務更好。唔會話食完嗰啲碟喺側邊擺着冇人收。其實食物嘅種類唔算特別多，主要係有龍蝦食而且折咗唔洗三百蚊一位，又坐得舒舒服服，啲食客又唔會太嘈，又唔會爭嘢食，而且冇一樣野需要排隊。所以十分滿意。甜品冇專人整pancake窩夫，疏乎厘之類，只有甜品櫃裏面嗰啲蛋糕仔，全個嘅蛋糕亦只有二款，甜品係比較訊息，食返杯雪糕就算。如果想有七五折，記得早一日之前訂位。