榮發粉麵專家 (已搬遷) 新店位置

晏奏食左啲零食覺得有啲滯，夜晚食粉啦，專登黎呢間食，我以前細個住機利士大廈媽咪成日帶我黎食（20年前），因為佢個裝潢冇變過，我又黎試下，個心成日覺得舊野應該係好食啲嘅！🤔🤔樓面阿姐服務態度好好，左一句多謝晒，右一句睇熱啊！好似阿媽咁好親切😀👏🏻👩🏻我叫左個雙拼牛腩雲吞河＋腐乳通菜＋凍奶茶少甜碗粉$30，通菜$14，凍奶茶$14腐乳通菜：普通通菜味，我嫌佢洗得唔夠乾淨，有啲黑色一粒粒，食左半碟放棄。雲吞牛腩河：雲吞可以接受，有三粒，食開果種味。牛腩完全唔得，又韌又冇咩味，好明顯炆得唔夠，直接放落個湯霎果種，唔知係咪太忙關係，因為我見都坐滿。河粉唔得！又幼又冧，湯底又淡，真係食唔落，一pat咁索晒水。凍奶茶：收我＄14蚊一杯，成杯都係冰，好過份！叫左少甜，淨係飲奶水味，完全冇茶味，見杯野個顏色咁淺已心知不妙，落奶太重手😄好差好差，唔知係咪多客忙所以整得求其左？總括黎講紅磡食粉，洽興>沾仔記>潮興，人地加飲品半價，你仲要樣樣係單點。