石岐佬酒家 (已結業)

母親節因為要遷就爸爸只鐘意食中菜嘅關係, 終於都再次嚟到石歧佬. 煲類食物我就覺得比以前遜色, 比較多油; 乳鴿依然keep到水準, 有d位連骨都可以食埋; 龍蝦伊麵好好食, 芝士味香濃, 龍蝦肉彈牙; 最值得一讚係呢度嘅魚真係做得好出色, 嗰日叫咗個蒸龍躉腩, 好鮮好滑, 唔洗兩分鐘就ko咗條魚, 最後仲叫咗兩個白飯撈埋d汁食, 勁正. 魚都係用蒸呢個方法已經係最好, 太花巧反而浪費咗條魚我反而想講嘅係, 以前呢度嘅雙皮奶真係超級好味, 嗰晚食飽後諗住嘆個雙皮奶來個最後滿足, 叫咗個熱嘅. 等咗成四五個字先嚟, 一打開個蓋, 賣相唔討好, 望落去好硬, 食咗一啖, 乜凍嘅, 唉, 諗住算啦, 費事再等, 凍照食, 不過凍嘅雙皮奶一d都唔好食, 又硬又鞋, 食食吓無啦啦又食到一啖暖 (強調只係暖唔係熱), 然後又係凍.... 好明顯佢地係攞個凍嘅雙皮奶去整返熱, 但係又求其. 成個雙皮奶我食到兩啖係暖, 其他全部凍, 真係好難食 ><唉, 你地咁攪法, 下次我再幫襯都唔知再唔再叫雙皮奶好lu碟頭唔算好大, 以咁嘅份量價錢唔算平, 我地五個人食咗成十樣嘢先飽.媽咪母親節