影片
更多
2020-11-29
521 瀏覽
本身今日想搵個地方同友人食lunch, 諗住以前去過呢間都唔錯，於是係open rice book 咗枱。入到去佢俾咗張好窄既二人枱，心諗成間餐廳仲有咁多位，駛唔駛俾張連袋都要我擺大髀既枱，我仲諗住叫兩個餐、兩杯野飲同一款小食，張枱咁「大」張，我仲叫唔叫好。我地曾經要求要調去一張四人枱，但職員話唔得，佢有可能遲啲要留俾客。我同朋友都火滾，照叫咁多野食，睇佢點樣放得哂係張細枱仔。結果兩個main dish 同野飲到咗。我個muffin 好冇誠意，同我係超市買來拆袋放上碟一樣，唔熱又冇焗過。朋友塊煙肉同火腿都係油到死，朋友唔夠位食，成塊包一切就跌咗出嚟。即刻同職員講，佢地終於肯俾我地轉去隔離四個人既枱。後來見個小食咗耐都冇來，問職員，原來冇落單，我地就叫取消單了。呢間都唔駛再來了，好失望的Brick Lane.
張貼