影片
更多
2015-04-30
206 瀏覽
剛睇完周森跌打，兜左個圈都唔知食咩好，見到隔離八方雲集有個面壁位，又從來未試過依家食店，您有運喇，試試先。八方雲集係出面已開左好多年，不過一直都無幫襯過，依間大埔分店都係近年先開。記得以前經過觀塘每次都大排長龍，唔知有咩咁吸引。 第一次幫襯唔知食咩好，見寫住話雲吞水餃出名，試左招牌菜先。都花左好長時間去研究張點菜紙，散叫、套餐、加錢，睇到暈暈地，是鬼但。舖頭細，枱同櫈都勁細，坐到頂手頂腳，條路窄到肥啲到過唔到。終於都點到菜喇，依餐堅抵食呢！台灣麵線、鍋貼、紅油餛飩連凍飲。台灣麵線，原來係咁架？似杯麵、似羮多過湯麵喎，張相影出黎似大大碗拉麵，我完全誤會晒啦，失望。第一次品嘗，做食家最緊要有冒險精神。睇吓咩料先，有札肉、豬腸、金菇、冬菇，配料份量不多，麵線好碎，似碗仔翅，味道幾好，成碗飲晒囉，平平無奇，試過就算喇。珍珠紅油雲吞，完全唔覺辣，無味既？豬肉雲吞好淡，唔難食，麻麻地。鍋貼，其實我係比佢既造型所吸引，長條形第一次見，好得意呀 ﹗賣相討好，但唔知味道點呢？只係就咁卷住豬肉就煎喇，兩面開口，肉汁完全流失。Over cook！豬肉乾晒，卷得幼，所以每啖食到既肉都好少，雖然煎得香口但味道麻
剛睇完周森跌打，兜左個圈都唔知食咩好，見到隔離八方雲集有個面壁位，又從來未試過依家食店，您有運喇，試試先。
八方雲集係出面已開左好多年，不過一直都無幫襯過，依間大埔分店都係近年先開。記得以前經過觀塘每次都大排長龍，唔知有咩咁吸引。 第一次幫襯唔知食咩好，見寫住話雲吞水餃出名，試左招牌菜先。
都花左好長時間去研究張點菜紙，散叫、套餐、加錢，睇到暈暈地，是鬼但。舖頭細，枱同櫈都勁細，坐到頂手頂腳，條路窄到肥啲到過唔到。
終於都點到菜喇，依餐堅抵食呢！台灣麵線、鍋貼、紅油餛飩連凍飲。
台灣麵線，原來係咁架？似杯麵、似羮多過湯麵喎，張相影出黎似大大碗拉麵，我完全誤會晒啦，失望。
第一次品嘗，做食家最緊要有冒險精神。睇吓咩料先，有札肉、豬腸、金菇、冬菇，配料份量不多，麵線好碎，似碗仔翅，味道幾好，成碗飲晒囉，平平無奇，試過就算喇。
珍珠紅油雲吞，完全唔覺辣，無味既？豬肉雲吞好淡，唔難食，麻麻地。
鍋貼，其實我係比佢既造型所吸引，長條形第一次見，好得意呀 ﹗賣相討好，但唔知味道點呢？只係就咁卷住豬肉就煎喇，兩面開口，肉汁完全流失。Over cook！豬肉乾晒，卷得幼，所以每啖食到既肉都好少，雖然煎得香口但味道麻麻，肉又少、汁又少已經扣晒分啦，算罷啦！
張貼
