八方雲集鍋貼水餃專門店 (已結業)

來自台灣既八方雲集 之前只係試過佢既珍珠豆漿 真係好鍾意 但因為好高卡路里 很罪惡 所以之前always買一杯珍珠豆漿就走 未試過食佢其他野今次我機場巴士廣福道站落車 肚餓 就諗住試下佢既餃子 因為尼排醫生話我要食得低脂d 肉餡會撈很多肥豬肉 我諗咁全素既田園蔬菜餃應該ok掛10隻餃子加湯38蚊 價錢ok 落單等左一陣就送黎 餃子個頭唔細 10個加湯一定夠飽 內陷係d菜加小小筍同埋雲耳 但仔細發現內餡都撈左很多油 一口一個點d烏醋和辣椒醬很滿足（佢係辣醬 唔係辣油 that's good）紫菜鱈魚丸湯有三粒魚丸 不過不失 齋食餃子有d單調 同埋田園蔬菜餃蛋白質唔夠 所以加湯裡的三粒魚丸都算營養均衡總體還不錯 下次醫生話我唔洗藉口之後maybe我會再去 但營養師話雖然田園蔬菜水餃係全素 但內餡都撈左很多油 唔算一個低脂健康既選擇 八方雲集暫時沒有我食得既低脂健康選擇 太可惜 so等我唔洗藉口之後再去囉都提下大家肉餡餃子加左很多肥豬肉 高脂高卡路里喔 素餃都撈左很多油 千其唔好因為睇樣很健康而食太多升左磅數喔😄

八方雲集相信無咩人唔識，鍋貼出哂名，但我今天食健康水餃，發現一樣出色！$3.5一隻的田園水餃，全素的！綠色皮包著素菜，沒有因素菜而過淡，依然皮薄多料，有口感，低卡路里又不肥膩，抵讚！這裏$35有10隻，可以加$3，跟餐連飲品或湯品，而湯品更有紫菜鱈魚丸湯，又是健康又美味的！不過今次沒有跟餐，下次再來報告！

點了一個麵線套餐，包括一份台灣麵線，五隻鍋貼或水餃，一杯跟餐豆漿，承惠三十五元。麵線份量不多，幾筷子就吃完，味道還可以。韭菜鍋貼不會很油。豆漿微溫，糖下太多，很甜。外賣等候時間長，需約十五分鐘。

早早放工陪媽咪去買結婚禮物。買之前食小小嘢醫肚，貪近同有位就坐底左。呢度環境衛生要改善一下，因為枱底好多垃圾，見到都吾想坐底。但媽咪話冇所謂就算。枱面已經擺左點心紙，就甘剔就得。我地試叫佢招牌、韓式泡菜，同韭菜口味。即叫即整，但火喉未夠。鍋貼煎到啲皮幾脆，但上面仲係軟左啲。至於水餃，皮好厚。所有餡料都好淡，好似幾健康甘，但其實油吾少。我地都覺得質素一般，冇想再食既衝動，至於價錢算接受到。俾我再擇，我寧願食君戶，平靚正，係要忍耐一下侍應阿姨態度啫。

剛睇完周森跌打，兜左個圈都唔知食咩好，見到隔離八方雲集有個面壁位，又從來未試過依家食店，您有運喇，試試先。八方雲集係出面已開左好多年，不過一直都無幫襯過，依間大埔分店都係近年先開。記得以前經過觀塘每次都大排長龍，唔知有咩咁吸引。 第一次幫襯唔知食咩好，見寫住話雲吞水餃出名，試左招牌菜先。都花左好長時間去研究張點菜紙，散叫、套餐、加錢，睇到暈暈地，是鬼但。舖頭細，枱同櫈都勁細，坐到頂手頂腳，條路窄到肥啲到過唔到。終於都點到菜喇，依餐堅抵食呢！台灣麵線、鍋貼、紅油餛飩連凍飲。台灣麵線，原來係咁架？似杯麵、似羮多過湯麵喎，張相影出黎似大大碗拉麵，我完全誤會晒啦，失望。第一次品嘗，做食家最緊要有冒險精神。睇吓咩料先，有札肉、豬腸、金菇、冬菇，配料份量不多，麵線好碎，似碗仔翅，味道幾好，成碗飲晒囉，平平無奇，試過就算喇。珍珠紅油雲吞，完全唔覺辣，無味既？豬肉雲吞好淡，唔難食，麻麻地。鍋貼，其實我係比佢既造型所吸引，長條形第一次見，好得意呀 ﹗賣相討好，但唔知味道點呢？只係就咁卷住豬肉就煎喇，兩面開口，肉汁完全流失。Over cook！豬肉乾晒，卷得幼，所以每啖食到既肉都好少，雖然煎得香口但味道麻

每次經過此店也人頭湧湧，好奇的買了金牌餃子外賣試試。看上去餃子皮薄清透，餡料飽滿，吃下清淡而味足，餃子皮及肉質餡料有彈性亦柔軟又温暖，屬高水準，有機會再試其他的產品。

已有半個世紀沒有做面部護理的筆者，唯恐長此下去臉容潰爛，今天無奈地下定決心前往位於大埔區的美容中心進行"維修"，完成後已是晚上七時半，是進膳時間，路過廣福大街見八方雲集的光猛大招牌甚是搶眼，店內顧客人頭湧湧，探頭一望，內裡地方狹小、座位又不舒適，筆者沒有堂食的打算，反而買了兩客套餐回家作「小吃」，目的是繼續訓練胃容量撐到頂點。點了兩客鍋貼套餐作晚上小吃這家台式專營鍋貼與水餃的大型連鎖點在台灣的門市有600家，於2008年鎖定香港為具海外發展潛力的地區後，至今已擁有超過40間分店，務求令食客感受到「梗有一間喺左近」的方便。除了各式鍋貼和水餃外，亦有台灣牛肉麵、麵線和小籠湯包等台式特色食物供應，若台吃的癮子起，來這裡滿足一下口胃也是不錯選擇啊。由於是即叫即煎需耐心點等待大約6至7分鐘，故食店前也有部份顧客在輪候外賣，要吃新鮮熱辣的話，相信大家都不會介意。其實沿路也有兩三家賣上海餃子與鍋貼的店子，不過今天筆者最希望吃的還是台灣口味，加上喜歡香口的，所以揀選了兩款鍋貼。若問及台式鍋貼與其他的分別，最易分辬是在於外型，由鍋貼皮對摺做成長長棒條，兩邊留有縫隙。一盒共十隻招牌鍋貼配自選湯類，筆者心底