旺泰特食 (已結業)

大年初三落西貢運吉行一陣就覺得凍，想食串燒，點知另外果邊無開，就入左大舖食喇！大舖坐得比較舒服，同埋無咁凍……入正題！坐低叫左個青咖喱羊，一客薄餅同埋雞牛豬串燒。仲有兩杯檸蜜。檸蜜不值一提= =等左一陣，咖喱同薄餅黎喇！問過店內既姐姐，佢話青咖喱最唔辣。食落，真係唔辣，不過好香！好香香料同椰汁味！好正！佢個汁唔太油，飲左幾啖！入面有豆角、車厘茄、茄子，同埋不明瓜類。羊肉好嫩滑，好淋，好有肉味！食落感覺一D都唔肥膩！但係唔多…得幾件…大食既話會唔夠分…薄餅熱辣辣，都幾香麥同麵粉味，可惜唔多索汁……下次叫白飯仲正！仲有好多汁淨低呀！！！！><食到一半，串燒終於到喇！好滑！好嫩！好juice！燒到熱辣辣香噴噴！雞豬都好正！但係唔知係唔係醃製關係，牛串唔太食到牛味~~不過總括黎講都係好正！