大雞食堂

營業中

休息中

搬咗屋之後要喺港島區搵唔同嘅美食，我同阿妹一東一南，銅鑼灣區係我哋嘅中間點，今次就嚟咗大雞食堂食出名嘅蔥油雞扒。阿妹叫咗 #招牌蔥油雞扒飯 ，超多嘅蔥油，配埋熱辣辣脆卜卜嘅煎雞扒，雞皮之下嘅雞肉都好滑好嫩。脆卜卜嘅皮一定要趁熱食。而我係豬頸肉愛好者，梗係要食 #蔥油燒慢煮豬頸肉撈丁。豬頸肉細細片上，配埋蔥油都幾好，食撈丁都一樣好夠飽！午餐包飲品，我哋就叫咗 #凍奶茶 & #凍檸茶，都可以加錢轉特飲。餐廳座位有限，午市時間爆場，大家想食就要早啲去攞位啦！門外好大塊招牌，你應該唔會睇漏眼！總結：午市有好多個選擇，下次一定要再試其他食物先得，由其係飲珍珠奶茶。