大門橫丁串燒手打烏龍麵店 (已結業)

都嚟食過好多次, 試過幾隻湯底, 咖哩湯夠濃味幾正, 不過地獄湯就差D喇得過酸字, 我本人都鍾意食酸辣, 都覺得唔係咁好食...... 咁豬骨湯就唔洗講啦! 梗係好味道^^ 下次試海鮮烏冬先得~~呵呵~有個芝麻醬什菜沙律我次次都order, 又好食又開胃! SOGO或者吉芝島都有得買既, 用嚟食冷麵或者沙律都一流, 鍾意食既人可以試試. 串燒做得唔錯, 係雞扒燒得乾得濟, 炸豬扒就好味D~ 豬軟骨好味, 溏心旦正呀!! 如果2間大門橫丁比較, 我覺得通菜街D野好食D, 始終唔同師傅做出嚟既食物水準唔同!我都試過好幾間在旺角既所謂手打烏冬, 連食評都唔想寫..... 我時候貪新鮮試多幾間, 結果都係差少少...... 唔好食果幾間係麥花臣球場左近, 大家自己估啦! >"< 都係大門橫丁又好食水準又穩定~哈~*唔鍾意等位既人士最好七點前去食啦, 會少D人既, 平時我去都要等二十分鐘左右, 如果人多(5個以上)就唔止添, 大家要留意喇~^o^