樺麵包

營業中

休息中

夜晚七點幾行經九龍城見呢間麵包店人頭湧湧，場面墟冚。於是入內查探，發覺啲人呢個鐘數仲仍然買好多麵包、蛋糕、曲奇餅。於是我都唔執輸，買咗個香蕉蛋糕。雖然個香蕉蛋糕賣相普普通通，但香味十足，真係好想即刻一啖食落口。不過要趕住食晚飯，唯有留返第二日先食。雖然個蛋糕隔咗一日，但係香味仍然強烈，食落口仲非常鬆軟，估計材料十足。食完一個仲好回味，下次經過九龍城，都一定要去返呢間樺麵包再買來食。