Ben Ben 廚房 (已結業)

開張幾日，已經食左兩次。初頭見新開張，裝修幾靚就入去試下。試左兩次個炖湯，好正好足料，好滋補養生。特別推介小菜咕嚕，肉爽脆香口，兩次都有叫，朋友都話有米之蓮級數。另外叫左個牛仔骨，都好惹味，叉燒炒蛋亦好有鍋氣。😋 食物質素非常高，價錢又唔貴，性價比好高。最後一定要提嘅係呢間鋪好有人情味，老闆同員工都好積極了解我哋嘅意見，成間餐廳都氣氛好歡樂。聽老闆講鋪頭黎緊會積極加推新菜式，期待農曆新年會有特色應節菜式。